આપણું નડિયાદ

નડિયાદ જિલ્લાની નવાજૂની

police check post ke janta ne pajvani sevaliya check post thi loko dukhi


Kheda, 13-04-13

sandesh news ma samgra mamlo ujagar karata karvahi


test15test14test16

sardar vallabhbhai patel ni jamin no sodo bhu mafiyao a kari nakhyo


test13


test13

ડાકોર સહિત જિલ્લાભરમાં ભારે ધામધૂમથી કૃષ્ણ જન્મની ઉજવણી


નડિયાદ, તા.૨૩
ભગવાન કૃષ્ણના જન્મ પ્રસંગે જિલ્લામથક નડિયાદ સહિત વિવિધ સ્થળોએ કૃષ્ણજન્મની શ્રધ્ધાભેર ઉજવણી કરવામાં આવી હતી.ઠેરઠેર રાત્રિના બાર વાગે આતશબાજી સાથે ભગવાન જન્મોત્સવને વધાવી લેવામાં આવ્યો હતો. જ્યારે જિલ્લાના સુપ્રસિધ્ધ યાત્રાધામ ડાકોરમાં ભગવાન રણછોડરાય મંદિરે ભારે દબદબાભેર કૃષ્ણ જન્મની ઉજવણી કરવામાં આવી હતી, જેમાં લાખ્ખોની સંખ્યામાં શ્રધ્ધાળુઓ ઉમટી પડયા હતા,અને સમગ્ર ડાકોરને નંદ ઘેર આનંદ ભયો જય કનૈયા લાલ કી નારા સાથે ગજવી નાખ્યું હતું.રાત્રિના બારના ટકોરે જન્મ સમયે ડાકોર મંદિરમાં ભક્તોની ભારે ભીડ જામી હતી. પગ મુકવાની પણ જગ્યા નહોતી, તેમ છતાં અબાલવૃધ્ધ, મહિલાઓએ ભગવાનના દર્શનનો લ્હાવો લીધો હતો.ડાકોર સહિત સમગ્ર જિલ્લાનું વાતાવરણ કૃષ્ણમય બની ગયું હોય તેમ જોવા મળતુ હતું.
ભારે ઉત્સાહ સાથે સેવકોએ નંદ મહોત્સવ મનાવ્યો : સાંસ્કૃતિક કાર્યકમો : ચુસ્ત પોલીસ બંદોબસ્ત
ડાકોર મંદિર રોશનીથી ઝળહળી ઊઠયું
કૃષ્ણ જન્મ સમયે વીજળી કડાકા સાથેની થીમે લોકોનું ધ્યાન ખેંચ્યું
આભૂષણોથી સજ્જ બનેલા નંદ લાલાના દર્શન માટે ભારે ભીડ
જિલ્લાભરમાં ઠેરઠેર જન્મોત્સવની ઉજવણી
સુપ્રસિધ્ધ યાત્રાધામ ડાકોરમાં જન્માષ્ટમીના દિવસે કૃષ્ણ જન્મની દબદબાભેર ઉજવણી કરવામાં આવી હતી. લાખો ભક્તોએ મંદિરના ઘુમ્મટમાં ભગવાનના જન્મ સમયે રાત્રિના બારના ટકોરે નંદ ઘેર આનંદ ભયો જય કનૈયા લાલકી ના જયઘોષ સાથે સમગ્ર ડાકોરને ગજવી નાખ્યું છે.દુનિયાભરમાં ભગવાન શ્રી કૃષ્ણના જન્મ દિવસની ભારે ધામધુમથી ઉજવણીઓ કરવામાં આવે છે,ત્યારે જગવિખ્યાત યાત્રાધામ ડાકોર ખાતે ભગવાન શ્રી રણછોડરાયના મંદિરમાં પણ કૃષ્ણ જન્મોત્સવની ઉજવણી ભારે ધામધુમથી કરવામાં આવી હતી. યાત્રાધામ ડાકોરમાં જન્માષ્ટમીની રાત્રે ભગવાન રણછોડજીને પંચામૃત સ્નાન સાથે અભ્યંગ સ્નાન કરાવીને ભગવાનનો જન્મ કરાવવામાં આવે છે. ડાકોર ઉપરાંત અમદાવાદ, વડોદરા, સુરત, સાબરકાંઠા, પંચમહાલ, મહેસાણા, આણંદ, નડિયાદ, મુંબઈ, ઠાસરા, સેવાલિયા, ઉમરેઠ, સહિત આસપાસના તમામ વિસ્તારોમાંથી મોટી સંખ્યામાં ભક્તો ભગવાનના જન્મની ઉજવણી કરવા પહોંચી ગયા હતા.ભગવાનના જન્મ સમયે ભાવવિભોર બનેલા ભક્તો નાચતા ગાતા ભગવાનના ભજનો સાથે રમઝટ બોલાવતા જોવા મળતા હતા.ભગવાન કૃષ્ણની ભક્તિમાં લીન બનેલા ભક્તો પોતાનામાંથી પર બનીને સંપુર્ણ ભક્તિમય બનીને જાણે કે પ્રભુમય બની ગયા હોય તેવા દ્રશ્યો જોવા મળતા હતા.ડાકોર મંદિરમાં જન્મોત્સવ અગાઉ બંધ કરવામાં આવેલી લાઈટો ડાકોર સહિત બારના ટકોરે વિજળીના કડાકા અને લાઈટીંગ સાથે કૃષ્ણજન્મની ઝાંખી ઉભી કરતી થીમે તમામ દર્શનાર્થીઓમાં ઉત્સુકતા વધારી દીધી હતી.
યાત્રાધામ ડાકોરમાં બારે માસ ભક્તો ભગવાન રણછોડરાયના દર્શન કરવા આવે છે.ગઈકાલે જન્માષ્ટમી અને આજે નંદ મહોત્સવના દિવસે તેમના દર્શને લાખ્ખો ભક્તો ઉમટી પડયા હતા. જન્માષ્ટમીના દિવસે વહેલી સવારથી જ ભક્તો ઉમટી પડયા હતા અને આ પ્રવાહ અવિરત ચાલુ જ રહ્યો હતો.યાત્રાધામ વિકાસ બોર્ડ દ્વારા ગોમતીઘાટ ઉપર કૃષ્ણ જન્મોત્સવનું આયોજન કરવામાં આવ્યું હતું.જેમાં મોટી સંખ્યામાં લોકો હાજર રહ્યા હતા.જો કે બાલાસિનોરના ચીફ ઓફિસર વાય.જે.ગણાત્રાને ડાકોર નગરપાલિકાનો વધારાનો ચાર્જ સોંપવામાં આવ્યો હતો,તેમ છતાં જન્માષ્ટમી પ્રસંગે ડાકોર નગરમાં લાખ્ખો દર્શનાર્થીઓ આવતા હોવા છતાં બે દિવસથી ડાકોરમાં નહિ આવનાર અને સરકારી કાર્યક્રમમાં પણ ગેરહાજર રહેલા ચીફ ઓફિસરને હટાવીને તેમનો ચાર્જ ઠાસરા નાયબ મામલતદાર ભાભોરને આપવાની વાત જિલ્લા કલેક્ટરે કરી હોવાનું પણ જાણવા મળેલ છે.જન્માષ્ટમી પ્રસંગે યાત્રાધામ વિકાસ બોર્ડ દ્વારા યોજવામાં આવેલા સરકારી સાંસ્કૃતિક કાર્યક્રમમાં ડાકોર નગરપાલિકાના ચીફ ઓફિસર જ હાજર ન રહેતાં કાર્યક્રમ પ્રત્યે સરકારી અધિકારીઓ અને સરકારી કર્મચારીઓમાં ઉત્સાહનો અભાવ જોવા મળતો હતો,જ્યારે ભગવાન કૃષ્ણની ભક્તિમાં લીન બનેલા ભક્તો કોઈપણ પ્રકારના સરકારી કાર્યક્રમ કે પ્રોત્સાહનના મોહતાજ રહેતા નથી.આવી અલૌકિક ભક્તિ અને આસ્થાને કારણે જ ડાકોરમાં કોઈપણ પ્રકારના ખાસ આયોજનો કે સગવડ નહિ મળતી હોવા છતાં દર વર્ષે અવારનવાર લાખ્ખોની સંખ્યામાં શ્રધ્ધાળુઓ ભગવાનની ઝલક મેળવવા આવતા જ રહે છે.
રાત્રિના બાર વાગ્યા પછી ડાકોરની ગલીએ ગલીએ નંદ ઘેર આનંદ ભયો, જય કનૈયા લાલકી… હાથી ઘોડા પાલખી જય કનૈયા લાલકી… ના નારા સંભળાવા લાગ્યા હતા. ડાકોર તેમજ આસપાસના તમામ ગામડાઓની ધર્મપ્રેમી જનતા શ્રીજીના જન્મ સમયના દર્શનમાં ઉમટી પડી હતી.ભગવાનના જન્મ સમયે ભક્તોની ભારે ભીડને કારણે મંદિરમાં ચક્કાજામ મેદની જામી ગઈ હતી.ભગવાનને દુધ, કેશર, મધ, ઘી, સાકરથી પંચામૃત સ્નાન કરાવ્યા બાદ રાત્રિના સમયે શણગાર આરતી ટાણે સવા લાખનો મુગટ ચઢાવવામાં આવ્યો હતો.આ મુગટની આજથી સવા સો વર્ષ પહેલાં સવા લાખ રૂપિયા કિંમત હતી, જેની આજના યુગમાં કિંમત કરવી અશક્ય છે.રાતભર ભગવાનના દર્શન ખુલ્લા રાખવામાં આવ્યા હતા. વહેલી સવારે મહાભોગ આરોગીને ભગવાન પોઢી ગયા હતા.અને આજે નોમના પારણાના દિવસે સવારે મંગળા આરતી બાદ ભગવાન બાળ સ્વરૂપના હોઈ તેમને શ્રૃંગારભોગમાં પારણામાં ઝુલાવવામાં આવ્યા હતા અને સેવક ભાઈઓ નંદ, યશોદા, ગોપ-ગોપી બનીને મંદિર પરીસરમાં ફુંદરડી ફરતાં-ફરતાં હાથી ઘોડા પાલખી, જય કનૈયા લાલકી… ના નારા સાથે આનંદોત્સવ મનાવ્યો હતો.શ્રૃંગારભોગમાં નંદરાય,યશોદાજી, દાઢીજી તેમજ ગોપગોપીઓ દ્વારા દહીં,માખણ તેમજ મટકીફોડ કાર્યક્રમ ભગવાનના પારણા પાસે મનાવ્યો હતો.આ સમયે ગોપ ગોપીઓએ દહીં અને માખણ ઉડાડવામાં આવ્યું હતું.ભગવાનના જન્મની ઉજવણી અને તેમના દર્શન માટે ગઈકાલે રાત્રિથી અવિરત ભક્તોનો પ્રવાહ ચાલતો રહ્યો હતો.ગુજરાતભરના શહેરો અને ગામડાઓમાંથી શ્રધ્ધાળુઓ ડાકોરમાં ઉમટી પડયા હતા.ગામડાની ભજન મંડળીઓ અને સખીમંડળની બહેનો દ્વારા રાતભર ભજનોની રમઝટો બોલાવીને વાતાવરણને ભક્તિમય બનાવી દીધું હતુ.ડાકોર પોલીસની સાથે સાથે જિલ્લા પોલીસે ચુસ્ત પોલીસ બંદોબસ્ત ગોઠવીને યાત્રીઓને ર્પાકિંગ તેમજ ટ્રાફિકની અડચણ વિના આસાનીથી ભગવાનના દર્શન કરી શકાય તેવી સુલભ વ્યવસ્થા ગોઠવી હતી.
ડાકોર ઉપરાંત જિલ્લાના વડામથક નડિયાદ શહેરના સ્વામિનારાયણ મંદિર,નારાયણદેવ મંદિર,માઈમંદિર તેમજ નજીકના વડતાલ સ્વામિનારાયણ મંદિર સહિત વિવિધ મંદિરોમાં કૃષ્ણજન્મોત્સવની ઉજવણી કરવામાં આવી હતી.મંદિરો ઉપરાંત સોસાયટી અને શેરીઓના રહીશો દ્વારા આ પર્વની ઉજવણી કરવામાં આવી હતી.રાત્રિના બાર વાગે ગુલાલની છોળો ઉડાડી ફુલની પાંખડીઓ ઉપર ભગવાન કૃષ્ણને ઝીલવામાં આવ્યા હતા.ભક્તો દ્વારા ઉત્સાહિત બનીને ભારે આતશબાજી પણ કરવામાં આવી હતી.કૃષ્ણને પ્રિય એવા માખણ મીસરીનો પ્રસાદ વહેંચવામાં આવ્યો હતો.વિવિધ સ્થળોએ કૃષ્ણ જન્મ બાદ તુરંત જ મટકીફોડ કાર્યક્રમો પણ કરવામાં આવ્યા હતા.
આ ઉપરાંત જિલ્લાના કપડવંજ,ઠાસરા,બાલાસિનોર,વિરપુર,સેવાલિયા,કઠલાલ,મહુધા,મહેમદાવાદ, માતર,ખેડા સહિતના શહેરો તેમજ ગામડાઓમાં આવેલા મંદિરોમાં કૃષ્ણ જન્મની ઉજવણી કરવામાં આવી હતી.જિલ્લાના સ્વામિનારાયણ મંદિરોમાં પણ શ્રીજીના જન્મોત્સવની ભારે ધામધુમથી ઉજવણી કરવામાં આવી હતી.ઠાસરામાં આવેલા અને આસ્થાના પ્રતિકસમા આશાપુરી માતાના મંદિરે પણ કૃષ્ણ જન્મની ઉજવણી કરવામાં આવી હતી.ભગવાનના જન્મ સમયે સમગ્ર ઠાસરાની ર્ધામિક જનતાએ આશાપુરી મંદિરે પહોંચી જઈને ભગવાનને પારણે ઝુલાવ્યા હતા.ળજ્યારે કૃષ્ણ જન્મને બહાને શ્રાવણી જુગાર રમનારાઓ ભગવાનના જન્મને બાજુએ મુકીને એક ચિત્તે જુગારમાં સપડાઈ ગયેલા જોવા મળતા હતા.જિલ્લાભરમાં જુગારીઓ બંધબારણે મોટા પાયે જુગાર રમતા હતા.જુગારીઓને ઝડપી પાડવા જિલ્લાભરની પોલીસ રાતભર દોડતી રહી હતી,જેમાં ક્યાંક પોલીસ સફળ રહી હતી,જ્યારે હંમેશની જેમ કેટલીક પોલીસ નિષ્ફળ જ રહી હતી.
આખા લીમડામાં એક ડાળ મીઠી હો રણછોડ રંગીલા
નડિયાદ : ભક્ત બોડાણા વર્ષમાં બે વાર હાથમાં તુલસી લઈને ડાકોર થી દ્વારકા ભગવાનના દર્શન કરવા માટે ૭૦ વર્ષથી જતા હતા.દ્વારકાના નાથને બોડાણાએ પોતે હવે નહિ આવી શકે તેવી વ્યથા રજુ કરતાં ભગવાને કહ્યું કે ગાડુ લઈને આવજે હું ડાકોર આવીશ.આમ બોડાણા ભક્ત બળદગાડા સાથે દ્વારકા પહોંચ્યા અને ભગવાન રાત્રે ૧ર વાગે બધાને સુતા મુકીને બોડાણા સાથે બળદગાડામાં બેસીને ડાકોર આવવા નીકળી ગયા.પુર્વજન્મમાં શાપિત થયેલા બળદ અને ગાડાનો ભગવાને ઉધ્ધાર કર્યો અને એક જ રાતમાં ડાકોર પહોંચી ગયા.ભગવાને ડાકોરના પાદરમાં ગાડું થોભાવીને બોડાણાને કહ્યું કે તારા ગામના લોકોને લાવ અને વાજતે ગાજતે મને લઈ જા.આ સમયે ચાર વેદો,બ્રહ્મા,શિવ પ્રભુની સ્તુતિ કરવા લાગ્યા.ગામના પાદરે લીમડાની ડાળ પકડીને ઉભા રહ્યા હોવાથી લીમડાની એક ડાળ મીઠી હોવાની લોકવાયકા પણ છે,અને આખા લીમડામાં એક ડાળ મીઠી કે રણછોડ રંગીલા નામનું લોકગીત પણ લોકમુખે આજે પણ સાંભળવા મળે છે.ભક્ત બોડાણા સાથે વાજતે ગાજતે ભગવાન ડાકોરમાં પધાર્યા અને ગોમતીમાં સંતાયા હતા.આ સમયે કોઈએ બોડાણાને તીર મારતાં આ તીર ભગવાનને વાગતાં આખેઆખી ગોમતીનું પાણી લાલ થઈ ગયું હતું, અને આ સમયે જ ભક્ત બોડાણા ભગવાનના વિમાનમાં સદેહે વૈકુઠમાં ગયા હોવાનું કહેવાય છે.ત્યારબાદ ભગવાન લક્ષ્મીજી મંદિરમાં બિરાજતા હતા.ત્યારબાદ આજથી આશરે ૪૦૦ વર્ષ અગાઉ તામ્વેકર કુટુંબના ગોપાલ નાયકે હાલનું રણછોડરાય મંદિર બનાવતાં ઠાકોરજી ભગવાન મહાવદ પાંચમના રોજ મંદિરમાં બિરાજ્યા હતા.
કૃષ્ણ જન્મ બાદ મટકી ફોડની ધૂમ
નડિયાદ શહેર સહિત જિલ્લાભરમાં ભગવાન શ્રી કૃષ્ણના જન્મની શ્રધ્ધાભેર ઉજવણી કરવામાં આવી હતી. ડાકોર સહિત જિલ્લાભરના કૃષ્ણ મંદિરો સહિતના મંદિરોમાં તથા સોસાયટીઓ અને શેરીઓમાં પણ ભગવાન દ્વારિકાધીશના જન્મોત્સવની ઉજવણી કરવામાં આવી હતી. ૯ વાગ્યાથી શરૂ થયેલ ભજનની રમઝટ સમય જતાની સાથે વાતાવરણને કૃષ્ણમય બનાવતી ગઈ હતી. શ્રી કૃષ્ણં શરણં મમ : ની ધૂન રાત્રીના ૧૧ વાગ્યાથી અનેક સ્થળોએ શરૂ કરી દેવામાં આવી હતી. રાત્રીના ૧ર વાગે ગુલાલનસ છોળો અને ગુલાબની પાદડીઓમાં ભગવાન કૃષ્ણને ઝીલી લેવામાં આવ્યા હતા. ત્યારબાદ અગાઉથી શણગારવામાં આવેલ પારણામાં લાલાને ઝુલાવવામાં આવ્યા હતા. ભક્તિ ગીતોની સાથે સાથે ભક્તોએ જગતના નાથને પારણે ઝુલાવ્યા હતા. ત્યારબાદ ભગવાનને પ્રિય એવી માખણ મિસરીનો ભગવાનને ભોગ ધરવામાં આવ્યો હતો. કગવાનના જન્મની ખૂશીમાં લોકોએ મટકીઓ પણ ફોડી હતી. વર્તમાન સમયમાં જે રીતે જન્મ દિન ઉજવવામાં આવે છે તે રીતે રાત્રીના ૧ર વાગે હેપ્પી બર્થ ડે ટુ અવર ડીયર ગોડ કૃષ્ણા લખેલી કેક પણ ભક્તજનો દ્વારા કાપવામાં આવી હતી. રાત્રી ઉપરાંત આજરોજ પણ વિવિધ સ્થળોએ મટકી ફોડના કાર્યક્રમો યોજાયા હતા. આજરોજ સંતરામ મંદિર ખાતે પાનખરની હાશ સિનીયર સિટીઝન ક્લબ દ્વારા મટકી ફોડ કાર્યક્રમ યોજવામાં આવ્યો હતો. આ ઉપરાંત પણ અનેક સ્થળોએ કૃષ્ણ જન્મોત્સવની ઉજવણી કરવામાં આવી હતી.

ભ્રષ્ટાચારના વિરોધમાં સમગ્ર ખેડા જિલ્લામાં ક્રાંતિના મંડાણ


નડિયાદ,તા.ર૪
ભ્રષ્ટાચાર સામે આંદોલન છેડીને જન લોકપાલ બિલને સંસદમાં પાસ કરાવીને કાયદો બનાવવાની માંગણી સાથે કેન્દ્ર સરકાર સામે અનશન ઉપર બેઠેલા સમાજસેવક અણ્ણા હઝારેની દિલ્હી પોલીસે ધરપકડ કરતાં ગુજરાત સહિત સમગ્ર ભારતમાં જનઆંદોલન ઉભુ થઈ રહ્યું હોય તેવો માહોલ જોવા મળી રહ્યો છે.ખેડા જિલ્લામાં પણ અણ્ણા હઝારેના સમર્થનમાં અને સરકારના વિરોધમાં તાલુકે તાલુકે અને ગામડે ગામડે અનેક પ્રકારના કાર્યક્રમો આપવામાં આવી રહ્યા છે.
અંતરિયાળ વિરપુર તાલુકાના જોધપુર ગામે કેન્ડલ રેલી નીકળી
જીલ્લામથક નડિયાદ હોય કે સરહદી વિરપુર તાલુકાનું છેવાડાનું જોધપુર ગામ હોય સર્વત્ર ભ્રષ્ટાચાર વિરોધી વંટોળ ફેલાઈ રહ્યો છે.અણ્ણા હઝારેની ભ્રષ્ટાચાર સામેની લડાઈ આમઆદમીને પોતાની લડાઈ લાગી રહી હોવાથી દિવસે ને દિવસે આ લડાઈ ક્રાંતિમાં પરિર્વિતત થઈ રહી છે,અને ભ્રષ્ટાચારના વિરોધમાં સમગ્ર ખેડા જિલ્લો પણ ક્રાંતિ ના રસ્તે જઈ રહ્યો હોય તેવી હાલત જોવા મળી રહી છે.
ભ્રષ્ટાચાર મામલે આંદોલન છેડીને જનલોકપાલ બિલને સંસદમાં પાસ કરાવવાની જીદ સાથે દિલ્હીના રામલીલા મેદાનમાં ઉપવાસ આંદોલનમાં બેઠેલા અણ્ણા હઝારે અને તેમની ટીમને ભારતભરમાંથી સમર્થન મળી રહ્યું છે.ભ્રષ્ટાચારનોભોગ બનેલી ખેડા જિલ્લાની આમજનતા પણ અણ્ણાના આંદોલનને સમર્થન આપીને ભ્રષ્ટાચારને દેશમાંથી બહાર કાઢી મુકવાની લડાઈમાં જોતરાઈ રહી હોય તેમ જોવા મળી રહ્યું છે.છેલ્લા કેટલાક દિવસથી અણ્ણાની જેમ સમગ્ર ખેડા જિલ્લો પણ ક્રાંતિના માર્ગે આગળ વધી રહ્યો હોય તેમ જોવા મળી રહ્યું છે.જિલ્લામથક નડિયાદ ખાતે ભ્રષ્ટાચાર નિવારણ સમિતિ અને પશ્ચિમ નાગરિક સમિત હેઠળ યુવાનો અને સીનીયર સીટીઝન,આગેવાનો દ્વારા છેલ્લા ત્રણ દિવસથી અનેક પ્રકારના કાર્યક્રમો યોજવામાં આવી રહ્યા છે,જેમાં ધરણાં,રેલી,મશાલ રેલી, બાઈક રેલી સહિત સુત્રોચ્ચાર અને પ્રતિક ઉપવાસ કરીને ભ્રષ્ટાચાર સામે આંદોલનને મજબુત બનાવવામાં આવી રહ્યું છે.આજે નડિયાદમાં ભ્રષ્ટાચાર વિરોધી જનતાએ ભ્રષ્ટાચારની સ્મશાનયાત્રા કાઢી હતી,અને ભ્રષ્ટાચારન્ના પુતળાને તથા સરકારી લોકપાલ બિલને અગ્નીદાહ આપી તેના અસ્થિને ગટરમાં પધરાવવામાં આવ્યા હતા.નડિયાદ સહિત જિલ્લાભરમાં પોતાના કામધંધામાં વ્યસ્ત બનેલા લોકોને ભ્રષ્ટાચાર બાબતે જાગૃત કરવાના આશયથી કાઢવામાં આવેલી ભ્રષ્ટાચારની સ્મશાનયાત્રાએ સમગ્ર નડિયાદમાં લોકોનું ધ્યાન ખેંચ્યું હતું.નડિયાદ ઉપરાંત ખેડા જીલ્લાના ઠાસરા, ડાકોર, બાલાસિનોર, માતર, મહુધા, કઠલાલ, કપડવંજ, ખેડા, મહેમદાવાદ, વિરપુર તાલુકામથકો તેમજ ગ્રામ્ય વિસ્તારોમાં પણ ભ્રષ્ટાચાર સામે અને અણ્ણા હઝારેના સમર્થનમાં દેખાવો કરવામાં આવી રહ્યા છે.
શહેરી વિસ્તારોની જેમ ગ્રામ્ય વિસ્તારોમાં પણ લોકોએ ભ્રષ્ટાચાર વિરોધની લડાઈ પોતાની લડાઈ હોવાનું માનીને છેવાડાના અંતરિયાળ ગામડાઓમાં પણ રેલી અને ધરણાંના કાર્યક્રમો યોજવામાં આવી રહ્યા છે.ખેડા જિલ્લાના સરહદી વિરપુર તાલુકાના ખોબા જેવડા જોધપુર ગામમાં પણ ભ્રષ્ટાચાર વિરોધી આંદોલનની અસર જોવા મળી હતી.ગામના પાદરે આવેલા મંદિરમાં
સાંજના ૬.૩૦ કલાકે ગામના અબાલવૃધ્ધ સૌ કોઈએ મીણબત્તી સળગાવીને અણ્ણા હઝારે તુમ આગે બઢો હમ તુમ્હારે સાથ હૈ ના બેનરો અને નારા લગાવ્યા હતા.વંદે માતરમ્ અને ભારત માતા કી જય ના પ્રચંડ અવાજ સાથે ખોબા જેવડા ગામે પણ અણ્ણાની ભ્રષ્ટાચાર વિરોધી ક્રાંતિમાં પોતાનો સિંહફાળો નોંધાવ્યો હતો.આવી જ રીતે ખેડા જિલ્લાના કેટલાયે ગામડાઓ,તાલુકાઓ તેમજ શહેરોમાં ભ્રષ્ટાચાર વિરોધી ક્રાંતિ જોવા મળી રહી છે.અંગ્રેજોથી આઝાદી મળ્યા બાદ હવે ભ્રષ્ટાચારથી આઝાદી મેળવવાની વાતે જિલ્લાભરનો આમ નાગરિક અણ્ણાની લડાઈમાં પ્રત્યક્ષ કે પરોક્ષ રીતે જોડાઈ રહ્યો છે.ભ્રષ્ટાચારની આ ઝુંબેશમાં યુવાનોનું જોડાણ ખુબ જ વધુ જોવા મળી રહ્યું છે.અત્યારે ઈન્ટરનેટ અને મોબાઈલના જમાનામાં યુવાનો દ્વારા અણ્ણા હઝારેની લડાઈનેમોટા પ્રમાણમાં ફેલાવવામાં આવી રહ્યું છે.દિવસભર અણ્ણા સમર્થનને લગતા એસ.એમ.એસ. ઉપરાંત ફેસબુક અને ટ્વીટર ઉપર પણ અણ્ણાને સમર્થન આપનારા યુવાધનની કમી જોવા મળતી નથી.અણ્ણાના સમર્થનમાં મીસ કોલ માટેના એસ.એમ.એસ.જિલ્લાભરના મોબાઈલધારકોમાં ફરતા હોવાનું જોવા મળી રહ્યું છે,અને મોટાભાગના મોબાઈલ ધારકો મીસ કોલ કરીને અણ્ણાને સમર્થન હોવાનું જતાવી રહ્યા છે.
ખેડા જિલ્લા ભ્રષ્ટાચાર નિવારણ સમિતિ દ્વારા અવનવા કાર્યક્રમો યોજવામાં આવી રહ્યા છે,જ્યારે તેઓ દ્વારા કેન્દ્રીય મંત્રી અને સાંસદ દિનશા પટેલને આવેદનપત્ર આપીને જન લોકપાલ બિલ મુદ્દે રજુઆત કરશે.યાત્રાધામ ડાકોર તેમજ ઠાસરા તાલુકાના વનોડાથી કરમસદ સુધી બાઈક રેલી કાઢીને સુત્રોચ્ચાર કરવામાં આવ્યા હતા.આ રેલીમાં ડાકોર તેમજ ઠાસરા તાલુકાના યુવાનો મોટી સંખ્યામાં જોડાયા હતા.ખેડા જિલ્લામાં શહેરી અને ગ્રામ્ય વિસ્તારોમાં જોવા મળી રહેલી ભ્રષ્ટાચાર વિરોધી ક્રાંતિ દિનપ્રતિદિન ફેલાઈ રહી હોવાનું જોવા મળી રહ્યું છે.
નડિયાદમાં ભ્રષ્ટાચારની સ્મશાનયાત્રા
પુતળા દહન, સૂત્રોચ્ચારો, ઉપવાસ આંદોલન, ધરણાં, ઘંટનાદ જેવા કાર્યક્રમો યોજાયા
તાલુકે તાલુકે અને ગામડે ગામડે અણ્ણાને સમર્થન
બાઈક રેલી સાથે યુવાનો પણ જોડાયા

સરકાર પસંદ કરવાની આઝાદી – ગવર્મેન્ટ પોર્ટીબિલીટી


મોબાઈલ કંપણીની સેવાથી આપણે અસંતોષ હોય ત્યારે આપણે મોબાઈલ નંબર બદલ્યા વગર અન્ય મોબાઈલ કંપણીની સાથે જોડાઈ શકવાની આઝાદી આપણે મળી છે તેવી જ રીતે સરકારી યોજના બદલાય નહી પરંતું સરકારની કામગીરી થી અસંતોષ લાગે તો આપણે સરકાર પણ બદલી શકીયે તેવી યોજના અમલમાં આવે તો કેટલું સારું..!

વિચાર શેખચલ્લી જેવો છે, પણ અમલમાં આવે તો આપણા નેતા સીધા દોર થઈ જાય, અને ભારતમાં બધી ડીક્શનેરી માંથી ભ્રષ્ટાચાર શબ્દ દૂર થઈ જાય તેમા પણ નવાઈ નહી. જરા વિચારો પેટ્રોલના ભાવ વધેશે તેની જાહેરાત થતાની સાથે તરત બધા પેટ્રોલ પંપ ઉપર પેટ્રોલના ભાવ વધતા પહેલા ટેન્ક ફુલ કરાવવા જતા પહેલા પોલીંગ બુથ ઉપર જઈ ઈ.વી.એમ મશીનમાં બટન દબાવી સરકાર જ ઘરભેગી કરી દે તો..?
કોઈ નેતા ભ્રષ્ટાચાર આચરતા જણાય એટલે તરત જનતા જનાર્દન ફટાફટ ઈ.વી.એમ મશીનમાં બટન દબાવી તે નેતાને ઘર ભેગો કરી ભાખરી ને અચાર ને લાયક પણ ન રહે તેવી તેની દશા કરી દે.. ના આંદોલનની જરૂર કે ના કોઈ રેલી કે સભા કરવાની જરૂર..બિચારા અન્ના હજારેને આટલી ઉંમરે ભૂખ હળતાલ કરી દેશમાં બધે ભટકવાની પણ જરૂર ન પડે.

બસ આ યોજના અમલમાં લાવવા માટે કોઈ “મર્દ” સરકાર આવે તો મજ્જા પડી જાય. દરેક ગામમાં ઈ.વી.એમ મશીન ગોઠવેલા હોય જનતાને લાગે ત્યારે ઈ.વી.એમ મશીનમાં જઈ બટન દબાવી દે બસ સરકારનો ખેલ ખતમ, આ ઈ.વી.એમ માં થતા ફેરફાર દર મહિને ચકાસવાની પણ ગોઠવણ કરવામાં આવે જેમ મહિને મહિને પગાર માટે કર્મચારીઓ ઉચા નીચા થાય તેમ મહિને મહિને નેતા પણ પોતાની કાર્યક્ષમતાનો ગ્રાફ જોવા ઉંચા નીચા થાય.

..ખરેખર આ શેખ ચલ્લી જેવો વિચાર સાચો પડી જાય તો..કેટલી બધી મજ્જા આવે..?

લંડનમાં “ટેસ્ટ ઓફ ઈન્ડિયા” કાર્યક્ર્મ દ્વારા ભારતીય સંસ્કૃતિનો પ્રચાર કરતું ગુજરાતી યુવાધન.


ગુજરાતી યુવાનો ધ્વારા ભારતીય રમત-ગમત,વાનગી,લગ્ન સમારોહ તેમજ પહેરવેશથી વિદેશના નાગરિકોને અવગત કરતો અનન્ય પ્રયાસ.

તમે લંડનમાં કોઈ બ્રિટીશ નાગરિકને ત્યાં જાવ અને તે ઘરમાં કેરમ રમતો હોય તો..? જો લંડનના કોઈ નાગરિકના લગ્ન સમારોહમાં તમે જાવ અને ભારતીય રીત રીવાજ મુજબ ફુલોથી સજાવેલ ચોરીમાં લગ્ન થતું હોય તો..? જો કોઈ બ્રિટીશ નાગરિક તમોને ભોજન માટે આમંત્રિત કરે અને જમવામાં અથાણું અને દાળ,ભાત શાક અને રોટલી હોય તો..? શું તમે અચરજમાં ન મુકાઈ જાવ બ્રિટીશ નાગરિક પાસે તમને ભારતિય સંગીતની સી.ડી હોય તો..? જો તમે આવું કાંઈ જોવો તો હવે અચરજમાં ન મુકાશો કારણ કે ગુજરાતના કેટલાક યુવાનો ભારતીય સંસ્કૃતિ, રમત-ગમત સહિત અન્ય રીત રીવાજોના પ્રચાર અર્થે કાર્યરત થયા છે. તેઓ ભારતીય સંસ્કૃતિને લંડનમાં ધબકતી કરવાનો અનન્ય પ્રયાસ કરી રહ્યા છે.

વધુમાં તાજેતરમાં લંડનના રોયલ ફેસ્ટીવલ હોલ, સાઊથ બેન્ક ખાતે “ટેસ્ટ ઓફ ઈન્ડિયા” કાર્યક્રમ નીલ સેન, પ્રણવ મશેર, અને રીકીન ત્રિવેદીના સહયોજકથી કરવામાં આવ્યો હતો.
ચાર દિવસ માટે યોજાયેલ આ પ્રોગ્રામમાં લગભગ ૧૫,૦૦૦ લોકોએ ભાગ લીધો હતો અને

ભારતીય રીત-રીવાજ સહિત, ભારતીય વાનગી અને વિવિધ રમતો અંગે જાણકારી મેળવી હતી. અને ભારતીય પરંપરાના ભારોભાર વખાણ કર્યા હતા. ભારતીય રમત અંતર્ગત કેરમ બોર્ડથી બ્રીટીશ નાગરિકોને અવગત કર્યા હતા કેટલાક બ્રીટીશ નાગરીકોએ કેરમ રમી સંતોષ પણ વ્યક્ત કર્યો હતો.વધુમાં મોટાભાગના બ્રિટીશ નાગરીકોએ ગણેશજીની મૂર્તિના આશિર્વાદ લઈ ધન્યતા અનુભવી હતી અને તેઓનું હિન્દુ ધર્મમાં કેટલું મહત્વ છે તેની પણ કાર્યક્રમના આયોજકોએ બ્રિટીશ નાગરીકોને સમજ આપી હતી. આ ઉપરાંત ભારતીય પરંપરા મુજબ યોજાતા લગ્ન સમારોહ અંગે પણ બ્રિટીશ નાગરીકો ખાસ્સા પ્રભાવિત થયા હતા અને ખાસ કરીને મહિલાઓ ધ્વારા મુકવામાં આવતી મહેંદી તેઓ માટે ખાસ્સુ આકર્ષનનું કેન્દ્ર બની હતી.

વધુમાં ભારતમાં થતા આયુર્વેદ ઉપચાર અંગે પણ આ સેમિનારમાં વિશેષજ્ઞો ધ્વારા માહિતી આપવામાં આવી હતી તે જાણી બ્રિટીશ નાગરીકો અચરજમાં મુકાઈ ગયા હતા. તુલસીના

ભારતીય પરંપરાથી લગ્ન અંગે બ્રિટીશ નાગરીકોને પ્રભાવિત છોડનું ધાર્મિક મહત્વથી માંડી આયુર્વેદમાં તુલસીના પાનાનું મહત્વ તેમજ દાદીમાંનું ઓષડ કેટલું અસર કારક સાબિત થાય છે તે અંગે પણ માહિતી આ સેમિનારમાં વિદેશી નાગરીકોને આપવામાં આવી હતી.

વધુમાં આ સમગ્ર કાર્યક્રમમાં ભારતના વિવિધ રાજ્યો જેવા કે ગુજરાત, રાજસ્થાન, પંજાબ અને સાઊથ ઈન્ડિયા જેવા રાજ્યોની ઝલકો મુકવામાં આવી હતી અને આ રાજ્યોની સંસ્કૃતિ તેમજ ગીત-સંગીતથી લોકોને અવગત કરવામાં આવ્યા હતા. ગુજરાતી ગરબા અને પંજાબી ભાંગડાથી બ્રિટીશ નાગરિકો ખાસ્સા પ્રભાવિત થયા હતા.

આ કાર્યક્ર્મ દર વર્ષે ઈસ્ટર દરમ્યાન કરવામાં આવે છે અને ભારતીય સંસ્કૃતિને જાણવા અને માણવા લંડનના ભારતીય નાગરીકો સાથે નોંધનીય સંખ્યામાં બ્રિટીશ નાગરીકો પણ આવે છે. તાજેતરમાં યોજાયેલ “ટેસ્ટ ઓફ ઈન્ડિયા” કાર્યક્રમને સફળ બનાવવા માટે ભાવિન રાવલ (અમદાવાદ), જીનેશ કોઠારી (રાજકોટ), ચેતન પાનસરા (અમદાવાદ), દિપેન શાહ (,લંડન) અને નૌશિવ સોની(અમદાવાદ)એ ભારે જહેમત ઉઠાવી હતી.

via – http://aapnuumreth.wordpress.com/

ઠાસરાના શિક્ષકે સભ્યતા ગુમાવીને વિધવા સાથે બિભત્સ વર્તન કર્યું..!!


નડિયાદ, તા.ર૯
તાલુકામથક ઠાસરા ખાતે એક પ્રાથમિક શિક્ષકે પોતાની સભ્યતા ગુમાવીને બાજુમાં રહેલી વિધવા શિક્ષક પત્ની સાથે બિભત્સ વાણી વિલાસ કરતાં હાજર તમામ રહીશોમાં રોષની લાગણી વ્યાપી જવા પામી હતી.તાલુકાની એક પ્રાથમિક શાળામાં મુખ્ય શિક્ષક તરીકે ફરજ બજાવતા હોવા છતાં શિક્ષક તરીકેની સભ્યતા ભુલી ગયા હોવાની વાતે સમગ્ર તાલુકામાં તેઓ સામે ભારે ફીટકારની લાગણી જોવા મળી રહી છે.બેફામ બનેલા શિક્ષકના રોજેરોજના વાણી વિલાસથી કંટાળીને વિધવાએ પોલીસનો આશરો લેતાં આખરે શિક્ષક અને તેમની પત્નીની શાન ઠેકાણે આવી જવા પામી હતી.
ખેડા જિલ્લાની પ્રાથમિક શાળાઓમાં ફરજ બજાવતા શિક્ષકો અને શિક્ષિકાઓને માથે શાળાના બાળકોને સારામાં સારું શિક્ષણ આપવાની અઘરી જવાબદારી છે,ત્યારે કેટલાક શિક્ષકો અને શિક્ષિકાઓના વર્તન અને વાણી વિલાસને જોઈને તેઓ બાળકોમાં કેવું શિક્ષણ અને સંસ્કાર સિંચતા હશે,તેવા પ્રશ્નો ઉઠી રહ્યા છે.સામાન્ય બાબતોમાં બેફામ બની જતા શિક્ષકો અને શિક્ષિકાઓને સાંભળતા જોઈને નાના ટાબરીયાઓ પણ નોનવેજ ભાષા બોલતા થઈ ગયા છે.આવા સભ્યતા વિહોણા એક શિક્ષક તાલુકામથક ઠાસરાની એક સોસાયટીમાં રહે છે અને પ્રાથમિક શાળામાં મુખ્ય શિક્ષક તરીકે ફરજ બજાવે છે,જ્યારે તેમના પત્ની પણ શિક્ષિકા તરીકે ફરજ બજાવે છે.છેલ્લા કેટલાક સમયથી આ શિક્ષક અને તેમની બાજુમાં રહેતા વિધવા શિક્ષક પત્ની સાથે રોજેરોજ કંકાસ થતા હતા.ગતરોજ ઈલેક્ટ્રીક ટયુબલાઈટ ફિટીંગનું કામ કરાવી રહેલા શિક્ષકે વિધવાઓના કારણે અંધારા થઈ ગયા તેમ બાજુમાં રહેતા વિધા શિક્ષક પત્નીને સંભળાવીને કહેતાં શિક્ષક પત્ની વિધવાએ તેમ ન બોલવા કહેતાં આ શિક્ષકે વિધવા સામે બેફામ વાણીવિલાસ કરવાની સાથે શિક્ષક તરીકેની સભ્યતા ગુમાવી દીધી હતી.પોતાના પતિ એક વિધવા સાથે ખોટી ભાષામાં બિભત્સ ગાળો બોલી રહ્યા હોવાથી તેઓને ચુપ કરાવવાને બદલે શિક્ષક પત્ની પણ બિભત્સ ભાષામાં જોતરાઈ જતાં થોડાક સમય માટે સોસાયટીના અન્ય રહીશોને પોતાના કાન બંધ કરી દેવા પડે તેવી હાલત થઈ જવા પામી હતી.ગુસ્સે ભરાયેલા શિક્ષકનો વાણીવિલાસ કલાકો સુધી બંધ ન થતાં આખરે વિધવા તેના પુત્ર સાથે ઠાસરા પોલીસમથકે ફરિયાદ કરવા પહોંચી ગઈ હતી.જેને પગલે ઠાસરા પીએસઆઈ રાવે અસભ્ય વર્તન કરનાર શિક્ષક અને તેની પત્નીને પોલીસમથકમાં પકડી લાવી કાયદેસર કાર્યવાહી કરવાની તજવીજ હાથ ધરી હતી,પરંતુ સભ્યતા ગુમાવી દેનાર શિક્ષક તાલુકાના શિક્ષકોમાં આગેવાની ધરાવતા શિક્ષકોના નજીકમાં હોવાથી આગેવાનોએ દરમ્યાનગીરી કરીને મામલો થાળે પાડી દેવાની કોશિષ કરી હતી,અને વિધવા શિક્ષક પત્નીને સમજાવીને કોઈપણ પ્રકારની ફરિયાદ આપવાને બદલે સમાધાન કરવા મનાવી લીધા હતા.તેમ છતાં ઠાસરા પીએસઆઈએ સભ્યતા ગુમાવનાર મુખ્ય શિક્ષક પાસે માફી પત્ર લખાવીને ફરીથી આવા કૃત્ય નહિ કરવાની કડક સુચના આપી હતી.આમ ઠાસરા તાલુકાના એક પ્રાથમિક શિક્ષકે સભ્યતા ગુમાવી હોવાની વાત સમગ્ર તાલુકામાં પ્રસરી જતાં મોટાભાગના શિક્ષકોમાં ભારે રોષની લાગણી જોવા મળતી હતી.

ર્સ્વિણમની ઉજવણીના જશ્નમાં ગુજરાતના સ્થાપક વિસરાયા !


નડિયાદ, તા. ૩૦
ગુજરાત રાજ્યની સ્થાપનાને પ૦ વર્ષ પૂર્ણ થતાં સમગ્ર રાજ્યમાં તેની ધામધૂમ પૂર્વક ઉજવણી કરવામાં આવી રહી છે. ર્સ્વિણમ ઉજવણીની પૂર્ણાહુતિ પ્રસંગે રંગારંગ કાર્યક્રમોનું પણ મોટા પાયે આયોજન કરી રાજ્યભરના તમામ જિલ્લાઓ તેમજ તાલુકા કક્ષાએ આવેલ સરકારી કચેરીઓ તેમજ મહત્વના સ્થળોને રોશનીથી ઝગમગાવી દેવામાં આવ્યા છે, ત્યારે ગુજરાત રાજ્યની જેઓએ સ્થાપના કરી હતી તે પૂ. રવિશંકર મહારાજને જ સહુ કોઈ વિસરી ગયા હોવાનું જોવા મળી રહ્યું છે.
સરસવણી ગામમાં આવેલ સ્મૃતિ મંદિરમાં ર્સ્વિણમ ઉજવણીએ અંધકાર
ખેડા જિલ્લાના મહેમદાવાદ તાલુકામાં આવેલ સરસવણી ગામ કે જે પૂ. રવિશંકર મહારાજનું વતન છે ત્યાં તેમની યાદમાં બનાવવામાં આવેલ સ્મુતિ મંદિર ખાતે ર્સ્વિણમ ઉજવણી નિમિત્તે રોશની કરવાનું સરકારી બાબુઓ વિસરી ગયા છે. ગુજરાત રાજ્યની સ્થાપના દિનની ઉજવણીમાં સ્થાપકને જ ભૂલી જવાય તે વાત આશ્ચર્ય ઉપજાવનારી છે.
ગુજરાત રાજ્યની સ્થાપના આજથી પ૦ વર્ષ અગાઉ ૧ લી મે ના રોજ પૂ.રવિશંકર મહારાજ દ્વારા કરવામાં આવી ર્સ્વિણમની હતી. મૂળ મહેમદાવાદ તાલુકાના સરસવણીના વતની રવિશંકર મહારાજનો જન્મ મહાશિવરાત્રીના દિવસે માતર તાલુકાના રઢુ ગામ ખાતે તેમના મોસાળમાં થયો હતો. નાનપણથી જ અલગ વ્યક્તિત્વ ધરાવતા પૂ. રવિશંકર મહારાજ ગુજરાતના લડવૈયા અને સ્થાપક હતા.
૧ લી મે ના રોજ તેઓએ સ્વતંત્ર ગુજરાત રાજ્યની સ્થાપના કરી હતી. આજે રાજ્ય દરેક ક્ષેત્રે હરણ ફાળ ભરી રહ્યું છે. ચોતરફ ર્સ્વિણમ ગુજરાતની રંગેચંગે ઉજવણી કરવામાં આવી રહી છે. સરકાર દ્વારા પણ વિશિષ્ટ કાર્યક્રમો યોજી ગુજરાતના સ્થાપના દિનની ઉજવણી કરવામાં આવી રહી છે અને ર્સ્વિણમ ગુજરાતની પૂર્ણાહુતિ નિમિત્તે રંગારંગ કાર્યક્રમનું આયોજન પણ સરકાર દ્વારા કરવામાં આવ્યું છે. રાજ્યભરમાં જિલ્લા તેમજ તાલુકા કક્ષાએ આવેલ તમામ સરકારી કચેરીઓ તેમજ મહત્વના સ્થળોને રોશનીથી ઝગમગાવી મૂકવામાં આવ્યા છે. સહુ કોઈ ઉજવણીમાં વ્યસ્ત છે પરંતુ સ્થાપના દિનની ઉજવણીમાં સહુ કોઈ સ્થાપકને ભૂલી ગયા હોવાનું જોવા મળી રહ્યું છે. પૂ. રવિશંકર મહારાજની યાદમાં મહેમદાવાદ તાલુકાના સરસવણી ખાતે બનાવવામાં આવેલ સ્મૃતિ મંદિર રોશનીના ઝળહળાટથી વંચિત રહે જવા પામ્યું છે. તાજેતરમાં જ આણંદ ખાતે યોજવામાં આવેલી રક્ષા શક્તિના કાર્યક્રમ દરમ્યાન કાઢવામાં આવેલી અસ્મિતા રેલીને આજ ગામમાંથી લીલી ઝંડી આપવામાં આવી હતી. તેમ છતાં સહુ કોઈ આ સ્થાપકને વિસરી ગયા હતા.
આ ઉપરાંત સરસવણી ગામના માજી સરપંચ ગિરીશભાઈ જોષીના જણાવ્યાનુસાર ર૦ વર્ષ અગાઉ મહેમદાવાદ તાલુકા પંચાયત દ્વારા મહેમદાવાદ ખાતે આવેલ ખાત્રજ સર્કલે પૂ. રવિશંકર મહારાજની પ્રતિમાની સ્થાપના કરવાનો નિર્ણય કરવામાં આવ્યો હતો. જે માટે જે તે સમયે તાલુકા પંચાયત, જિલ્લા પંચાયતના સભ્યો, જે તે વખતના ધારાસભ્ય તેમજ તાલુકાના ગામના સરપંચોેની હાજરીમાં યોજાયેલ સંયુક્ત કારોબારી સભામાં સર્વાનુમતે પ્રતિમા પ્રસ્થાપિત કરવા અંગે સર્વાનુમતે ઠરાવ કરવામાં આવ્યો હતો. જે મુજબ જે તે સમયે જ રૃ. ૩.પ૦ લાખના ખર્ચે પૂ. રવિશંકર મહારાજની અંદાજિત ૬ ફૂટ ઉંચી પ્રતિમા બનાવવામાં આવી હતી. જે આજે વર્ષો બાદ સ્થાપનાની રાહ જોતી ધૂળ ખાતે હાલતમાં સરસવણી ખાતે જ રહી ગઈ છે. આ ઉપરાંત ગામમાં સ્થાપિત કરવામાં આવેલી પૂ. રવિશંકર મહારાજની પ્રતિમા પણ તંત્રની બેદરકારીનો ભોગ બની છે. નિયમિત સફાઈ પરત્વે બેદરકારી ઉપરાંત આ પ્રતિમાની આસપાસ બનાવવામાં આવેલ ફેંસિંગ પણ જર્જરિત હાલતમાં ફેલાઈ જવા પામી છે. જ્યારે પ્રવેશદ્વારનું નામોનિશાન નથી.
ત્યારે ર્સ્વિણમ ઉજવણીમાં વ્યસ્ત સરકાર તેમજ સરકારી બાબુઓ દ્વારા સ્થાપક પરત્વે દાખવવામાં આવેલી બેદરકારી આશ્ચર્ય ઉપજાવનારી છે. તેઓના માદરે વતન સરસવણી ખાતેના નિવાસસ્થાન તેમજ સ્મૃતિ મંદિરની પણ સ્થાનિક તંત્ર દ્વારા ઘોર ઉપેક્ષા દાખવવામાં આવી હોવાનું જોવા મળી રહ્યું છે. ર્સ્વિણમ ગુજરાતની ઉજવણીમાં સ્થાપક જ વિસરાઈ જતાં અનેક લોકોની લાગણી દુભાઈ જવા પામી છે.
તંત્ર દ્વારા પ્રતિમાની સ્થાપના માટે ફાળવવામાં આવેલ જગ્યાથી સ્થાનિકો અસંતુષ્ટ
મહેમદાવાદ ખાતે આવેલ ખાત્રજ સર્કલ ઉપર ગુજરાત રાજ્યના સ્થાપક પૂ. રવિશંકર મહારાજની પ્રતિમા પ્રસ્થાપિત કરવાનો નિર્ણય લેવામાં આવ્યો હતો. જે માટે ૩.પ૦ લાખના ખર્ચે અંદાજિત ૬ ફૂટ જેટલી ઉંચી પૂ. રવિશંકર મહારાજની પ્રતિમા પણ તૈયાર કરી દેવામાં આવી હતી. જોકે આ મામલે સરસવણી ગામના માજી સરપંચના જણાવ્યાનુસાર સમગ્ર મામલો અટવાઈ પડતા અને તંત્ર દ્વારા સર્કલની જગ્યાએ અન્ય સ્થળ ઉપર પ્રતિમા પ્રસ્થાપિત કરવાની મંજૂરી આપવામાં આવતાં સ્થાનિકોમાં અસંતોષની લાગણી વ્યાપી જવા પામી હતી. આજે પણ પૂ.રવિશંકર મહારાજની આ પ્રતિમા સ્થાપિત થયા વગર ધૂળ ખાતી હાલતમાં સરસવણી ગામ ખાતે ગ્રામજનો દ્વારા સાચવવામાં આવી રહી છે.

%d bloggers like this: